Life Needs Virtual Reality: اغلبنا حيحب يسافر ويلف بلاد ويشوف اماكن ميقدرش يشوفها غير بتكلفه سفر ضخمه حتحب تكون جوه لعبه وكل حاجه من حوليك بتتحرك نحيتك عشان تقضي عليك وانت تحاربها بكل قوه دي بس حجات بسيطه من الي تقدر تعمله جوه الواقع الأفتراضي بس السؤال هنا ….

ليه فعلا حنحب نعمل كده ؟

ضغوط الحياه والشغل حتخلي ناس كتير معندهاش وقت تسافر عشان تشوف مكان معين او فسحه لطيفه في شوارع بلد بيحبها او يتفرج علي فيلم كانه في السنيما علي شاشه كبيره تكلفه بسيطه لعالم واسع غير محدود الامكانيات عشان تقدر تدخل العالم الافتراضي تكلفه الجهاز او المعدات المطلوبه مش حتعدي تذكره بلد واحده ممكن تزورها

هروب من الواقع للقليل من الوقت حيكون كافي جدا لخروج من مود صعب خصوصا لو حتروح حفله موسيقيه وتشوف جمهور الي جنبك او تحضر حفله علي البحر او مركب ماشيه بيك وسط البحر وفيه دلافين بتتحرك حوليك

تقدر تستخدمه في اغراض تعليميه زي تعليم فنون قتاليه وحركاتها بشكل تفاعلي, مفيش ازعاج كبير برؤيه اشياء تانيه غير الأشياء الاساسيه الي بتشتغل من خلال الواقع الأفتراضي

بتقدم تفاعل مع كل حاجه حوليك بأي احتماليه حتي لو الاحتمالات دي مش موجوده في الواقع , وحتساعدنا في فهم حجات صعبه ومحوريه زي الذره والكواكب وغيرها من حجات التعليميه الي صعب شرحها في صور او فيديوهات عاديه

مثلا تقدر تستخدمه في دراسات طبيه زي دراسه جسم الانسان, او تستخدمه في مدارس السواقه لانها بتقدم تجربه مشابهه جدا للواقع، الواقع الافتراضي حيخلي دراسه اشياء كتير اسهل وزياره اماكن كتير بسهولة والوصول لمستوي مختلف تماما من الالعاب التفاعلية وغيرها من الأشياء الي مبتنتهيش

الحاجة هي الرغبه القويه في الشئ لكننا لسنا بحاجه الي تقنيه الواقع الأفتراضي لكننا نريدها نفس الشئ بالنسبه للحلويات فنحن لسنا بحاجه اليها لكننا نريدها بشدة

متنساش ان الواقع الافتراضي هو “حل مؤقت” لزياره الاماكن حولين العالم لكن التجربه الفعليه اكثر أمتاع عن الواقع الافتراضي

قولنا حتستخدم الواقع الأفتراضي لانهي من الاستخدامات الي فوق او افكار تانيه !

بس ايه الي احنا محتاجينه عشان نعيش جوه الواقع الأفتراضي ؟ اكيد محتاجين اجهزه ومعدات فيه منها الي تمنه كويس ومقبول وفيه منه الي غالي شويه

حنقسم المعدات المطلوبه الي أتنين

أجهزه بتعتمد علي موبيل في الواقع الأفتراضي

Samsung Gear VR سعر : 100$
وهي نضاره من سامسونج بتدعم موبيلاتها S6/S6Edge/S6Plus/S7/S7Edge/Note5 وبتكون اعتمادها الأكبر في العرض علي جهاز الموبيل نفسه ومن مميزتها انها خفيفه وسعرها مقبول

Google Day Dream VR سعر : 79$
نضاره من جوجل نزلت مع هواتفها جديده Pixel مشكله طبعا انها بتدعم جهازين جوجل فقط

أجهزه بتعتمد علي كمبيوتر في الواقع الأفتراضي

HTC VIVE سعر : 700$

بالشراكة مع شركه VALVE الي أي حد صغير لعب Counter Strike او Half Life عارفها تعاونت مع HTC عشان يعملو نضاره دي بسبعين مستشعر للحركة – Sensors  عشان يلقطو تحركات الراس امر مذهل طبعا مشكله انها مكلفه ومحتاجه جهاز كمبيوتر حيكلف حوالي 700$ زيهم !

Oculus Rift سعر : 600$

شركه Oculus بعد شركتها مع Facebook اصبح تطوير سوفتوير خاص بيها اكتر تاثير وانتشار لان عدد ضخم حولين العالم بيستخدم الفيس بوك طبعا, وتعتبر من أوائل النضارات الواقع الافتراضي الي بتقدم تقنيات عظيمه وحديثه عن المحاولات الفاشله الي تمت خلال السنين الي فاتت مشكلتها زي مشكله HTC Vive وهي انها محتاجه جهاز كمبيوتر باقل إمكانيات ليه حيساوي 800$

Sony PlayStation VR سعر : 300$

سوني كان ردها عنيف بانها تقدم نضاره بامكانيات مميزه جدا بسعر منافس لنضارات اغلي منها وبتقدم تجربه ارخص بجوده عاليا ! يعني ايه كلام ده ؟ يعني نضاره وجهاز سوني يساوي بين 700 دولار الي 800 دولار اضافه الي اكسسوارات اخري ب 100 دولار تضيفها علي أي من جهازين فتلاقي ان المحصله النهائيه تساوي سعر HTC Vive فقط وده كان رد عبقري وتجربه مختلفه تماما لمحبي جهاز Playstation

في النهاية كلنا حنحب نعيش في عوالم اخري ونروح اماكن مرحنهاش قبل كده بس الأكيد ان الواقع الأفتراضي هو حل متواضع مقابل السفر وتجربة كل حاجه علي الواقع