Convert Normal HDTV Smart TV : بعضنا من الي عنده تلفزيونات قديمه مش سمارت او اشتري تلفزيون حديث بس مش سمارت بردو بيكون عندهم رغبه انهم يضيفو سمارت اوبشنز في تليفزيون بتاعهم بس مبيبقوش عرفين يبتدو منين ولا يشتروا ايه …. أول القواعد الرئيسية ان يكون التلفزيون فيه مدخل HDMI مش مهم يكون قديم او جديد المهم يكون فيه مدخل ده

ليه حتحتاج تحول تلفزيونك لسمارت أصلا !

خدمات الي بتقدمها أجهزة المختلفه الي بتحول التلفزيون لشاشات سمارت خدمات مفيده جدا زي خدمه Netflix الي تقدر تشوف منها أفلام ومسلسلات مختلفه ومسلسلات حصريه من انتاجهم, Amazon TV والي تقدر تشوف وتشتري احدث الأفلام وتتفرج عليهم بدقات عرض مختلفه, تقدر تخش علي يوتيوب في أي وقت وتتفرج علي أي حاجه, تقدر تستخدمه في تصفح مواقع تواصل الأجتماعي او صفحات انترنت اخري او تسمع اذاعات راديو او حتي ممكن تلعب العاب علي شاشه تلفزيون تقدر تنزلها من علي الأنترنت وحجات كتير

فيه اوبشنات كتير حنذكر منها الحجات الشائعه والأكثر دعما واستخداما

ChromeCast سعر : 35$

ده جهاز من شركه جوجل شغال بنظام اندرويد بيحول التلفزيون بتاعك لجهاز تفاعلي مختلف تماما عن العادي وبيتوفر فيه انك تشغل Netflix, Amazon TV, Hulu, Youtube,  غير تقدر تنزل العاب اندرويد وتلعبها بموبيلك عليه او تشغل حجات من لابتوب علي شاشه تلفزيون ويرليس او من موبيل بردو عن طريق خاصيه اسمها Chrome Mirror او Cast, جهاز ده مناسب جدا لشاشات بدقه عرض 1080p فيما اقل لان قدرات قوته محدوده علي رزلوشين ده

ChromeCast Ultra سعر : 69$

ده النسخه المحسنه من ChromeCast الي بردوب تشتغل بنظام الاندرويد وبتعمل كل الأمكانيات السابق ذكرها بس المختلف فيها انها موجهه بشكل اكبر لشاشات رزلوشن بتعها 4K او UHD ونضيف كمان انها بتدعم HDR خصوصا مع محتوي العرض العالي دقه الي موجود في يوتيوب او Netflix وغيرهم من برامج الي بتدعم 4K HDR

Fire TV Stick سعر : 40$

جهاز من أمازون يعمل بنظام Fire OS وهو نظام خاص مبني علي أندرويد وبيقدم إمكانيات جيده من تطبيقات الأفلام ومسلسلات والاغاني وتصفح وقنوات رياضيه وغيرها من تطبيقات والألعاب الجهاز بيجي بالريموت الخاص بتاعه علي عكس ChromeCast  الي بيعتمد علي تليفون محمول انه يكون ريموت الخاص بيه

Fire TV سعر : 90$
بطبيعه الحال ومع التطور بيتوفر اجهزه بتدعم 4K او UHD فبنفس توفير جهاز ChromeCast Ultra من جوجل وفرت امزون جهاز Fire TV الي بيدعم رزلوشن العالي ده وتشغيل الألعاب بشكل اسرع وامكانيه انك تزود مساحه الجهاز الداخليه عكس ChromeCast معتمد علي مساحه داخليه ومساحه موبيلك “الي هو ريموت كنترول بتاعه”

فيه اختيارات تانيه رخيصه اكتر زي AnyCast وفيه اختيارات تانيه اغلي زي Apple TV مشكله في الاولي هي دعم وتطوير وبطئ في الأداء والأستجابه, مشكله في التانيه هي السعر مرتفع مقابل ما تقدمه من مميزات وخدمات

حول الكاتب

رامي مصطفي

الألعاب ... عشقي الأول وعشقي الثاني هو كسر السرعة, محب ل PlayStation بجميع اصداراته , من العابي مفضله Resident Evil - Metal Gear - Dino Crisis - Devil May Cry , يهمني في مقام الأولي المحتوي المعروض وطريقه اللعب بالاضافه للقصة.

Your email address will not be published. Required fields are marked *