طرق مختلفة تقدر تلعب بيهم ألعابك: الخيارات كل ما كانت أكتر كل ما بقت أفضل، أكيد 3 أوبشنز أحسن من 2 بس! وعلشان الألعاب هدفها الرئيسي المتعة فلازم يكون فيها أوبشنز تناسب كل الجيمرز، اللي بيحبوا الدراعات أو اللي غاويين ماوس وكيبورد، المهم تاخد بالك، مش كل الماوسات والكيبوردات زي بعضها، ولا كل الدراعات هتقضي الغرض. الموضوع ده عن أنواع الكيبوردات والماوسات والدراعات اللي ممكن تلعب بيها على أجهزة الترفيه المختلفة

Mice/فأرات

في أنواع مختلفة للفأرات زي السلكية ولا سلكية
بالنسبه للسلكيه في أنواع عاديه بتتكون من زرارين العاديين الي نعرفهم
وفيه أنواع فيها ازرار كتير عشان تسهل علينا وصول لأوامر اكتر بشكل اسرع
اما بالنسبة للاسلكية فهي فيه منها نوعين نوع ويرليس ونوع بلوتوث ” ده غير طبعا فأرة العادي والفأرة الي فيه أزرار كتير” ميزه الويرليس انه أقتصادي عكس بلوتوث الي بيتكلف اكتر من بديله الويرليس غير ان سرعه استجابته اسرع من بلوتوث نظرا لان مداه اكبر من مدي بلوتوث الي يقدر يشتغل من عليه
مشكلة الويرليس انه محتاج جهاز مستقبل في منتصف وانه مبيشتغلش بشكل طبيعي مع الأجهزة المختلفة عكس بلوتوث الي هو بيحتاج فقط ان يكون فيه مستقبل اشاره بلوتوث موجود في الجهاز المستخدم
فيه مميزات فرعيه موجودة في فأرات زي تغيير سرعه حركتها، تغيير الإضاءة او احتفاظ بإعدادات مختلفة، حجمه بالنسبة للأيد واخيرا تقد تتحكم في وزنه ولا لا عن طريق اوزان ممكن تحطها جو الفأرة لتحكم افضل
ودي بعض الأمثلة لفأرات العاب كويسه جدا ممكن تشتريها

Razer Ouroboros
نوع : سلكي لا سلكي
مميزات : استجابه عاليا لما تشغله لا سلكي وشكل مستقبلي وتعديلات جيده 
عيوب : سعره مرتفع

Thermaltake Volos
نوع : سلكي
مميزات : سعر جيد مقابل إمكانيات وزرار كتير وتغيير اضاءة
عيوب : حجم كبير للناس الي ايدهم صغيرة

Keyboards/لوحات المفاتيح

الأنواع المختلفة بالنسبة للوحات المفاتيح تزايدت على مر السنين الي فاتت من الاعتيادية الي لوحات فيها أزرار كثيرة من الأطراف للوحات مفاتيح بأزرار ميكانيكيه عشان تستحمل عدد اكبر من ضغطات, ده بخلاف ان فيه منها سلكي ولا سلكي لتسهيل اللعب علي مسافات ابعد عن شاشة الكمبيوتر
لوحات المفاتيح مفهاش كلام كتير لانها في الأول والأخر فيها أزرار المطلوبة للعب الأساسي علي عكس الموس الي في الأصل بيعتمد علي زرارين فقط وحيكون افضل لو فيه ازرار تانية تساعد علي اللعب

Logitech G910 Mechanical
نوع : سلكي
مميزات : تقدر تغير لون كل زرار في كيبورد وتقدر تخليه يعمل اضاءه معينه للازرار الي انت بتلعب بيها في كل لعبه غير موثرات البصريه الي ممكن تشوفها فيه وازرار الجانبية الي بتسهل عليك اللعب
عيوب : كبير شوية وجسم كيبورد كان حيبقا افضل لو معدن

Razer Turret
نوع : لاسلكي
مميزات : تقدر تحطه علي رجلك وانت بتلعب ومش محتاج تربيظه تحطه عليه
عيوب : سعر مرتفع مقارنه بحجات تانية بس للأسف مبتقدمش نفس الفكرة

Thermaltake Challenger Ultimate
نوع: سلكي
مميزات : ازرار جانبيه تسهل عليك لعب , مروحه تهوي علي ايدك وانت ببتلعب ” ناس طبيبين اوي يا خال “
عيوب : تقريبا مفيش غير ان في لعب لو ضغط علي اكتر من زرار مع بعض بيوقفو عمل كل الازرار والي حيكون مضرور اكتر هما الي بيلعبو كوره مثلا او مصارع لكن غير كده كيبورد ممتازة
تقدر تعرف عن ازاي توصل كيبورد وموس علي اجهزه الترفيه المنزلي عشان تقدر تلعب بيهم العابك المفضلة من هنا

Gamepads/أيادي تحكم

دي مجموعه من أيادي التحكم المختلفة، كلها مميزة وعليها إقبال من اللاعبين، هنشوف الأجهزة اللي الأيا=ي دي بتدعمها وإيه مميزاتها وعيوبها؟

Xbox One Controller
بيدعم أجهزة: PC – Xbox One
نوعه: سلكي ولا سلكي
مميزاته: زي دراع Xbox 360 لكن طبعا بتحسينات أفضل، زي حساسية الأزرار الخلفية للضغط عليه، يعني ضغطة خفيفة غير ضغطة أقوي منها. خفيف في مسكة الأيد عن Xbox 360 ، الدراع نفسه بيقدم راحة أكبر في اللعب.
عيوبه: ببطارية زيه زي دراع Xbox 360

Xbox 360 Controller
بيدعم أجهزة: PC – Xbox 360
نوعه: سلكي ولا سلكي
مميزاته: مدعوم من جميع الألعاب الموجودة على الكمبيوتر طبعا، لأن مطورين الألعاب بيعتمدوا على استخدامه بشكل أساسي في ألعابهم وتحسين اللعب عليه.
عيوبه: مشكلة اللاسلكي بس إنه محتاج جهاز استقبال يركب بالكمبيوتر على عكس طبعا الجهاز الرئيسي اللي شغال عليه الدراع وهو Xbox 360. بيحتاج تغيير بطاريات ودي ممكن نغيرها ببطاريات قابلة للشحن أوفر. تقيل شوية خصوصا لو هتلعب بيه لفترات طويلة.

Xbox One S
بيدعم أجهزة:PC – Xbox One
نوعه: سلكي ولا سلكي
مميزاته: نفس التصميم خاص بدراع Xbox one، الفرق إن الدراع بيشتغل بتقنية البلوتوث بدل الويرليس، وده بيخليه يوصل على أي جهاز، وتقدر تلعب بيه على أي جهاز بيدعم التوصيل عن طريق البلوتوث، زي موبايل أو كمبيوتر أو لاب توب. عيوبه: لسه ببطاريات ولازم تشتريله بطارية قابلة للشحن زي الموبايل، علشان ماتقعدش كل شوية تدفع فلوس في بطاريات ممكن توصل لأكتر من تمن الدراع نفسه.

Xbox One Elite
بيدعم أجهزة: PC – Xbox One
نوعه: سلكي ولا سلكي
مميزاته: دراع بيتميز بجسم معدني عكس اخواته اللي من بلاستيك، وده بيدي للدراع صلابة وتُقل في الإيد، مضافله زراير خلفية لتسهيل اللعب، وتحديدا الألعاب القتالية. تقدر تغير زراير معدنية موجودة في الدراع بزراير بلاستيك، حسب راحتك في الاستخدام.
عيوبه: غالي جدا وبيحتاج تركيب بطاريات

Sony Dual Shock 4 For PS4
بيدعم أجهزة: PC – PS3 – PS4
نوعه: سلكي ولا سلكي
مميزاته: راحة أكبر, الإحساس بالاتجاهات أكتر من الإصدار السابق ل PS3. جزء من الدراع تاتش، واللي تقدر تستخدمه استخدامات كتير في الألعاب وغير الألعاب. وجود سماعة داخل الدراع نفسه، ودي هتقدم تجربة مختلفة للاعبين. إضاءة موجودة بالدراع؛ تُستخدم كجهاز حركي قدام كاميرا خاصة بالبلاي ستيشن.
عيوبه: رغم إنه بلوتوث إلا إنه بيحتاج برنامج

Sony Dual Shock 3 for PS3
بيدعم أجهزة: PC – PS3
نوعه: سلكي ولا سلكي
مميزاته: دراع البلايستيشن اللي مسكته مألوفة لمعظم الناس، طبعا غير إن الفيبريشن فيه أقوى، فيه ميزة إنه بيلقط حركة الاتجاهات، يعني لو حركة الدراع يمين شخصية اللعبة هتتحرك معاك يمين، حتى لو ماضغطش على السهم اليمين! وده هتحتاجه في بعض ألعاب جهاز PS3.
عيوبه: هتحتاج برنامج معين علشان تقدر تشغله مع بعض ألعاب ال PC لأن الدعم غير رسمي.

Steam Controller
بيدعم أجهزة: PC
نوعه: سلكي ولا سلكي
مميزاته: إمكانية التعديل على الزراير زي ما أنت عايز, غير دعمه لألعاب كتير جدا من الموجودة على Steam -متجر خاص بالألعاب-. هيسهل عليك الألعاب الاستراتيجية جدا، لوجود التاتش اللي ممكن تتحرك بيه بسهولة جدا.
عيوبه: بيحتاج بطاريات ومشكلته إن مفيش ليه بطارية قابلة للشحن زي أدرعه الإكس بوكس. لازم علشان يشتغل علي الألعاب بشكل ممتاز، تكون اللعبة بتشتغل عن طريق برنامج Steam، سواء الألعاب اللي أنت شاريها من Steam أو ضيفتها عليه، وده موضوع سهل لكن هيحتاج وقت علشان تتعود.

دي أدرعة تانية بتقدم تجربه مختلفة في اللعب عن الأدرعة السابقة الصادرة لأجهزه الألعاب

Razer Wildcat
بيدعم أجهزة: PC – Xbox One
نوعه: سلكي
مميزاته: زراير أكتر لتقديم طرق لعب مختلفة. مستويات من الحساسية أفضل من الدراع العادي الخاص بالأكس بوكس
عيوب: سلكي بس وغالي.

The Razer Sabretooth
بيدعم أجهزة: PC – Xbox 360
نوعه: سلكي
مميزاته: زراير إضافيه سهل الوصول ليها وتعديلها. استجابة أعلي من دراع اكس بوكس 360 العادي.
عيوبه: سلكي بس، على عكس دراع كس بوكس 360 العادي، كمان سعره عالي.

SCUF Infinity 4PS
بيدعم أجهزة: PC – PS4
نوعه: سلكي ولا سلكي
مميزاته: تعديلات غير محدودة لكل الزراير في الدراع، وإضافة زراير خلفية تخلي اللعب أسهل خصوصا في دورات اللاعبين المحترفين وهو شيء تتميز به الشركة عن غيرها في هذه المجال
عيوب: غالي جدا

SCUF Infinity One
بيدعم أجهزة: PC – Xbox One
نوعه: سلكي ولا سلكي
مميزاته: تعديلات غير محدودة لكل زراير الدراع، وإضافة زراير خلفية تسهل اللعب أكتر خصوصا للمحترفين.
عيوبه: غالي جدا

وبكده نكون اوجزنا كل طرق لعب الألعاب المختلفة علي بعض او كل الأجهزة فيما عدا طبعا الأجهزة الأخري الي بتعتمد علي حركة جسمك عشان تلعب لانها مش متوافرة للجميع والعابها مش كتير في الوقت الحالي

حول الكاتب
رامي مصطفي

رامي مصطفي

الألعاب ... عشقي الأول وعشقي الثاني هو كسر السرعة, محب ل PlayStation بجميع اصداراته , من العابي مفضله Resident Evil - Metal Gear - Dino Crisis - Devil May Cry , يهمني في مقام الأولي المحتوي المعروض وطريقه اللعب بالاضافه للقصة.