ازاي تقدر تعرف الي حتشتريه ده كويس ليك من غير ما تدفع تمنه

ازاي تقدر تعرف الي حتشتريه ده كويس ليك من غير ما تدفع تمنه

بنكون عيزين نشوف ونجرب اي منتج بنشتريه من غير ما ندبس في تمنه ! مفيش حد حيحب يشتري بطيخه وتطلع قرعه وخصوصا في الأوضاع الأقتصادية الحالية
دي خطوات بسيطه حتخليك تشوف المنتج ده كويس ليك وايه مشاكله وعيوبه

1- بتحدد المنتج الي بتدور عليه, شكله , لونه وسنة انتاجة وبتاخد السريل او الكود الخاص بيه كاملحوظه جانبيه “صدقني حتحتاج الكلام ده”

2- بتشوف مواصفاته علي موقع الرسمي للشركه وبطبيعه الحال حتحس ان منتج ممتاز لكن ده موقع الرسمي وشركه عيزه تبيع

3- خلاص عجبتك المواصفات , بتبدء تدور علي بدايل لشركات تانيه ؟ يمكن فيه احسن

4- قارن بين بدايل واسعارهم واختار افضل 2 او 3 او 10 ( حسب متوافر من منتج ده )

5- دور علي منتجات دي في مواقع البيع المختلفه زي Amazon مثلا المهم تكون متاكد من كود خاص بالمنتج وانت بدور عشان بيكون فيه اصدارات اقدم فيها مشاكل او ان منتج مختلف عن الي انت عيزه بس في نطاق الاسم الي مكتوب ” عشان متقعش في الفخ “

6- شوف راي الناس ناس كتير بتستخدم المنتج لفترات طويله وبتقول رايها بعد فتره من الاستخدام ,فيه حالات فرديه وفيه اجماعات

“يعني لو منتج حلو حتلاقي اجماع كبير عليه والعكس وفيه ناس بتستخدم منتجات غلط وتجيب الغلط علي المنتج انه مستحملش الاذيه وفيه منتجات غلط وبتنفجر في وش الناس !”

7- شوف فديوهات علي يوتيوب وشوف مراجعات مكتوبه اقري واحد واتنين وتلات مراجعات علي منتج ده

8- لو ليك صديق مجرب منتج ” خده لفه ” وجربه يمكن ميعجبكش

9- فيه محلات كتير بتعرض المنتج وتقدر تجربه بشكل او باخر قبل ما تشتري

10- قررت المنتج الي انت عيزه ؟ خلاص انت حتبقا عايز تعرف السعر الي حتجيب بيه ده افضل سعر ولا مضحوك عليك ؟

ممكن تلاقي سعر منتج مكتوب في صفحه الرئيسيه ليه او فديو او مراجعه غير مواقع البيع مختلفه وبتشوف اقل سعر منتج ده وصله ايه ممكن بردو تسهل عليك المشوار وتخش الموقع ده وتحط فيه لنك المنتج حيجبلك تاريخ السعري ليه camelcamelcamel.com او slickdeals.netوللمهتمين بمحتوي ديجيتال يقدرو يدورو هنا cheapShark.com حيكون في الاخر عندك فكره كويسه جدا عن المنتج الي حتجيبه واحسن سعر ليه من غير ما تحتاج تشترية

وهابي شوبينج يامعلم/ة

حول الكاتب
رامي مصطفي

رامي مصطفي

الألعاب ... عشقي الأول وعشقي الثاني هو كسر السرعة, محب ل PlayStation بجميع اصداراته , من العابي مفضله Resident Evil - Metal Gear - Dino Crisis - Devil May Cry , يهمني في مقام الأولي المحتوي المعروض وطريقه اللعب بالاضافه للقصة.